الشاعر/ محمود الجنيد
يا.. قــــائــد المستضعفين المغـاويــر
يا.. مــن علــيــك الله صلــــى وسلـــم
فـي مـولدك يــوم احتشـاد الجمـاهير
بـــ مـوطن الحكمة هو اليـوم الأعظم
فـــــي مـولـدك تعجـز لسان الدساتير
والشعــر فــــي ثغـر الفصـاحـة تلعثم
طويت هـذا الكــون لجلك مشـاويــر
ناجيت حتى جــف ريقي مــن الفــم
ترجمت في حبك كــــلام العصـافـير
فكيت حتــى شفــرت الحيد الأصيم
لجـل انصفك يا سـيـدي فــي التعابير
فكـيـت فــي قلـبي ميـت الف منجم
رغــم الحــروب الطــاحـنة والمناشير
رغـــم المئــاسي والحصــــار المنظـم
أنت السـند وأنـت الغــذاء والعقـاقير
وأنت الضيــاء لا دلهم الـيــل وأاظـلــم
يا سيــــدي جيتـــك وكلـــي تبــاشـير
جيتك بجـرحي وانت للجــرح بلسـم
مانا مـن اللي غـرَّزوا بـالتفـاسير
وقــالــوا إن الاحتفـــاء بــك محـــرَّم
مـانا مـــوالي للكـــــلاب المســـاعـيـر
عبيد (عجل السامري) خـــارج اليــم
كيف اعتذر لك واختلق لي معـــاذير!!!
وأنا مــن اللي يرخصـوا لجلك الـدم
أنصـارك اللي يثبــوا فـــي الأعاصـير
ويهجمــوا لا شافـوا المــوت دمـــدم
لا صوت يعلو فوق صــوت التكابيـر
لبيـــــك (يا.. طـــه) الحبيب المعظــم
